陈展鹏 (煎Pang) 与胡定欣拍《城寨英雄》时挞着，人前人后sweet到爆，早被认定为一对。不过早前40岁煎Pang带住下月27岁落选港姐单文柔摸黑上山顶，被当场断正！为免被标签成负心汉，煎Pang急撇清关系：「我从来冇同胡定欣拍拖」，一刀插入定欣心坎。顿觉痴心错付的定欣，自责无带眼识人，近日收工孤伶一人，只有助手陪食，显得落寞非常﹗女人有车有楼有事业，感情屡遇挫折，好伤﹗

定欣和煎Pang早已是外界认定的一对，但突然传出煎Pang竟然有个女友单文柔，难怪定欣咁伤心。唔使开工的日子，好姊妹又个个忙拍剧，定欣就与助手去鲤景湾食tea，不过见到佢一脸落寞，全程冇笑容，睇嚟心情相当差。

可怜的定欣上错贼船，幸好有「胡说八道会」一班好姊妹全力支持，据知杏儿睇到煎Pang单新闻后好嬲，即时撇低老公去开解定欣。当初定欣煎Pang互有好感，定欣亦体谅对方比较慢热，工作又真系好忙，所以唔介意慢慢发展。点知煎Pang原来暗地里媾紧个落选港姐，定欣怨自己蠢上错贼船，杏儿见状都戥佢唔抵，同班姊妹喺背后闹爆贱男！（来源：东方新地）