TVB 50周年台庆重头剧《溏心风暴3》已经播出了第一集，大家睇完这集最有印象是甚麽呢？是在TVB「禁色令」下淨化版的陈伟琪色诱黄宗泽戏份？抑或是《溏心》系列中，老是常出现的连串金句呢？首集的《溏心3》就已经有不少金句，基本上整集的剧情可以说是用对白来推进，单靠听唔睇画面，其实都完全可以掌握到呢集内容讲咩，明显睇/听得出对白的设计花了很多心思。

不过，也有可能会有人嫌剧中金句太多，几乎所有主要角色在第一集入面都有金句出，甚至无啦啦都要讲两句，感觉过份刻意去讲咁。除了金句，还有大量网络潮语，直情多到氾滥，虽然将潮说加入对白中无疑可以令观众更有共鸣，内容亦可更加贴地，但太多就难免让人觉得有些突兀，真心想问一句「使唔使成日讲呀？」

好喇，大家就睇下第一集有那些金句和潮语的例子：一开场饰演黄宗泽小时候的小演员已经大讲金句：「好多读书叻嘅人都係同啲读书唔叻嘅人打工㗎咋。」之后到真正的黄宗泽出场，他教王浩信追女心得：「媾女有所谓三不政策，不主动、不拒绝、不负责，依家再加两个不，不要做狗公，不要去狗冲。」

当然唔少得「溏心」系列金句王夏雨啦：「急事就慢做，慢事就急做，事急则缓，事缓则圆。」好难明呀，好彩他随即补充：「简单讲句，澹澹定有钱剩。」咁一早讲呢句咪得囉，又硬要讲金句先安乐。轮到司棋姐李司棋：「做人最紧要有头家，有瓦遮头，安居乐业。」「成日喺度呃like，畀个嬲你就差唔多！」仲有其他讲了不止一次，兼不止一个人讲的包括「呃like」、「有图有真相」、「畀个like」、「肯肯定」、「开眉饭係咪应该有请小凤姐呢？」连有请小凤姐都玩埋，其实係潮定係out?