51岁天王郭富城(城城)自爆想结婚，《苹果》记者今日独家发现城城同29岁大陆网红方媛(Moka)，于3月4日已秘密喺香港入纸注册，最快3个月内完成手续，计一计最迟6月初就拉埋天窗。

《苹果》记者致电恭喜城城，佢话：「谢谢，我在工作晚点回。」目前佢身在武汉开工，听日佢就要返无锡拍戏，估计下月中先拍完，跟手5月就出发去加拿大拍庄文强套新片。即系城城得4月最得闲，据知佢哋将喺下月结婚。

睇番张结婚通知书，Moka报称未婚，职业系fashion designer(时装设计师)，二人报称同住跑马地大坑道寓所。早前有消息指Moka已怀孕，如属实，城城今次真系双喜临门，可喜可贺!

日前有位大陆网民爆下个月会嚟香港饮城城同Moka嗰餐喜酒，而《苹果》之前问过城城经理人小美，佢话呢个系规划喺今年内发生，城城都话结婚系人生另一页，希望得到大家嘅祝福。

据知城城今次想结婚主要原因系妈咪年纪大，希望城城早啲娶老婆，恨抱金孙，友人推测佢嘅婚礼应该低调进行，一切从简。

来源：苹果日报