2010年港姐冠军陈庭欣(Toby)，今年六月爆出挞着过亿身家彩丰行老闆Benny（杨振源），拍拖大半年已获男友确认女主人地位，日 前就以老闆娘姿态陪实Benny 出席化妆品协会周年晚宴，更传出二人将于明年拉埋天窗，向陈庭欣求证闪婚一事，她直言同男友结婚有共识： 「大家有讲过结婚呢个话题，佢有问过我结 婚想点搞，但我好传统，一定要跪地求婚 先得！」她更大讚男友浪漫，得男友锡到燶的Toby，一早融入杨家，见晒家长又同男友两个仔相处融洽，近日出入还有男友御用七人车同司机接载，未做杨太已经地位 超然！

同过亿身家彩丰行老闆男友Benny拍拖大半年，陈庭欣亦由 之前讲的「了解中」转入直路， Toby女主人身份已获男友肯定，上月Benny更将个人社交网的头像，由昔日单人照换成同女友揽到实的亲暱合照，日前， Toby（陈庭欣）亦以老闆娘姿态陪实男友出席化妆品协会周年晚宴，甜蜜放闪。

据知情者透露：「虽 然拍拖唔係好耐，但Benny同Toby真的好夹，好多话 题，佢对女友照顾周到，仲好似粉丝咁，会追晒Toby所 有演出， Toby拍《兄弟》有好多打戏，Benny好紧张成日提住女友要小心啲，佢知道Toby拍亲嘢时间都好长，怕佢揸车唔够精神，细心安排咗自己嘅七人车同司机畀女友用，对Toby锡到燶！」

年约40的Benny事业有成兼家底厚，以往曾同女艺人孙慧雪、刘依静等传绯闻，但论爱得高 调都係今次同港姐冠军陈庭欣，两人拍拖大半年一直爱得炽热，在 Benny Fb 就经常有二人 sweet 爆合照，难怪近日传出 Toby 闪嫁消息。

箍掂有米男友，陈庭欣早前一掟 50万换宝马新车，近日开工亦有男友御用七人车同司机管接送！

近日Benny的美容零售公司内部就有消息传出，指Toby已箍 掂Benny将于明年拉埋天窗。向Toby求证结婚一事，她坦言同男 友结婚有共识，但就话男友并未求婚：「佢有问过我想结婚点 搞，只係讲过一两句啫！我个人好传统，求婚一定要男人做啲 嘢，仲一定要跪低求婚嗰隻！」 虽然被标籤係屋村港姐，但孝顺顾家亦令Toby加分，更成功 赢得男友全家欢心，早已见晒家长的Toby，跟Benny同前妻所生的两个仔亦相处融洽，早前男友父母结婚40周年， Toby就同 Benny 结伴参加家庭聚会同两老庆祝

一年一度的化妆品协会周年晚宴， Toby便以老闆娘姿态，陪实化妆品零售商老闆男友Benny出席，完全融入Benny好友堆。

❤LIKE 88razzi Facebook！所有最爆、最fun、最有趣的新闻都在这里！❤

❤Follow 88razzi Instagram 追踪最Hit资讯！