TVB台庆剧《是咁的，法官阁下》进入结局篇，主角范小宇（黄智贤饰）和Ophelia（王君馨饰）夫妻之间的矛盾亦开始解开，最新一集讲到黄智贤到教堂告解后，终于向王君馨坦诚二人婚姻存在第三者，更直言：「就算喺我哋最亲密嘅时候，我个心都係谂住佢！」，令王君馨怒掴他后伤心离去。剧集一出，即时引起热烈讨论，更有网民表示相当同情王君馨的角色。

讲起这场戏，王君馨接受访问时都忍不住表示：「呢句应该係世间上最难听嘅说话！佢嘅意思等同我从来都冇爱过你一样。而呢一句说话唔係男朋友讲，而係你嘅老公，一个你以为可以一生一世倚靠的人，真係会令Ophelia完全崩溃。（听完係咪好有冲动推阿Ben落山？）我有问导演，其实女人听到呢句说话应该会踢佢落山。」王君馨更笑言黄智贤也认同这个提议，更称：「执返我啲手手脚脚就冇问题，但係服装整污糟咗好难赔。」

虽然这句说话如此难听，但王君馨称仍然要多谢范小宇对Ophelia坦白：「虽然决绝到不得了，但係总算令Ophelia真正放低，如果范小宇唔讲呢句，佢可能一世都放唔低，亦都打唔开个心，俾更值得嘅人进入，所以女仔要好好珍惜自己嘅价值。」

Ophelia一角刚开始时并不讨好，种种疯狂的行为都令观众不解，更有网友质疑编审安插这个角色的意义，王君馨亦坦言自己亦觉得这个角色很难明：「其实我用咗好多时间去了解Ophelia，佢好唔理性而且我同Ophelia好唔相似，係我就一早飞咗范小宇，唔係，应该係话我一定唔会咁快闪婚，睇定啲，了解清楚，先结婚！」

❤LIKE 88razzi Facebook！所有最爆、最fun、最有趣的新闻都在这里！❤

❤Follow 88razzi Instagram 追踪最Hit资讯！