藝人雨僑出席護膚品牌專門店開幕禮，她表示將會跟黃子華一起拍戲，坦言對方是自己的「男神」：「我之前係活動上同子華見過面，有阿佘（佘詩曼）、Shiga（連詩雅）等等，一齊影咗大合照，但我crop咗同子華個頭先甫相，所以同佢拍戲就不得了，一齊做嘢多啲時間影合照同p圖。（同佢多唔多對手戲？）未收到劇本，仲改緊，應該有，我係佢頭號粉絲嚟㗎。」又開心謂2017年才兩個月，已得到很多跟自己想的人合作，如林家棟等。

問到會否怕拍戲時緊張到狂NG？她笑言自己面都紅晒：「我驚到時忍唔到笑，佢講笑係自己唔笑㗎嘛，不過我同Ronald（鄭中基）拍戲時學識咬住條脷，一笑就會咬親。」又謂不怕跟對方合作會壓力大，因早前已克服跟劉青雲及謝霆鋒合作，那次已是最驚的一次。