洪永城在分手声明中，刻意强调分手唔涉及第三者，不过根据可靠消指今次唐诗咏同洪永城分手，导火线系因为洪永城有第三者，而呢个第三者就系蔡思贝。在去年年头，洪永成同蔡思贝拍《味想天开》时，出名姣同玩得的蔡思贝，主动撩向来贪玩的洪永城，虽然当时两个分别都有另一半，不过佢哋都玩得好埋，仲约埋一齐去做运动，件事被报道出来，在有图有真相情况下，唐诗咏仲好信得过男友。

点知今年初洪永城同蔡思贝因为要宣传新剧，佢哋又再经常情侣档拍住上，遇啱蔡思贝俾男友麦秋成飞甩，所以佢成日揾洪永城出来解闷慰籍，佢哋瞒住唐诗咏越行越埋，洪永城更俾人撞破深夜车住蔡思贝，而且件事有人话返俾唐诗咏知道。

所以唐诗咏同洪永城当时冷战左一段时间，唐诗咏仲飞咗去韩国散心，佢在ig发表过伤心留言，暗示不被珍惜，心情跌至谷底，更希望可以短时间上帝赐予我们短暂失忆的时间。

不过话咁快又俾洪永城氹掂，在农历新年嗰段时间，佢哋和好一齐出席朋友团拜活动。

好唔够两个月成，因为拍《大帅哥》，洪永城同蔡思贝又再走埋一齐，当然食过返寻味，有同佢哋同剧嘅演员，睇唔过眼佢哋成日趁未埋位嗰阵䁥埋一二边谈心，于是向唐诗咏通风报信，叫唐诗咏睇实啲佢男友，加上四月嘅时候唐诗咏去咗北京拍《天命》外景，在当地留咗大半个月，呢段时间洪永城完全冇王管，据知喺呢段时间唐诗咏发现洪永城做咗啲，佢唔再接受到嘅事。到唐诗咏返回香港之后，决定忍痛向洪永城摊牌分手。

本刊打电话俾蔡思贝，问佢知唔知洪永城心情点？佢表示：「人哋啲嘢费事去讲咁多啦人！（但系有消息话你系第三者？）系咩，咁唔系好方便答你，我食紧饭呀，我⋯⋯我⋯⋯我⋯⋯唔同你讲住啦 bye bye ！」口窒窒到呢！

新闻：nextplus